Taib enggau bini nemuai ngagai Taman Negara Batang Ai

0

BERANDAU: Taib (dua kiba) benung berandau enggau Dr Rayong (kiba) dalam penemuai nya. Sama bisi ayan (ari kanan) Malcom enggau Puan Ragad.

LUBOK ANTU: Kepala Menteri Pehin Sri Abdul Taib Mahmud disempulang bini iya Puan Sri Ragad Kurdi Taib nemuai ngagai Taman Negara Batang Ai, ditu kena Hari Satu tu tadi.

Dalam penemuai nya, Taib enggau Ragad bisi ngereja aktiviti neresa kampung ba Taman Negara Batang Ai lalu meda palan Ai Terejun Enseluai ke bepalan ba kampung nya.

Udah nya Taib enggau bini nemuai ngagai Rumah Sumpa, Sungai Nanga Delok sereta diberi basa ngelepaska 10,000 iku anak ikan bansa empurau enggau tengadak dia.

Muak ke malamnya, Taib begulai enggau raban bukai ke nyempulang iya ningaka licha bekaul enggau pengawa nyaga jelu siga di Sarawak ari Sarawak Forestry Corporation (SFC).

Pagi siti nangkanka nya, Taib enggau raban iya pulai ke Kuching ari menua Lubok Antu pukul 10.30 pagi.

Sama bisi enggau ba penemuai iya Sapit Kepala Menteri Datuk Patinggi Tan Sri Alfred Jabu Numpang, Menteri Muda Rampa Menua Datu Len Talif Salleh, Kaban Kunsil Nengeri (ADUN) Engkilili Dr Johnnical Rayong Ngipa enggau ADUN Batang Ai Malcom Mussen Lamoh.