Marudi ngatur pengawa pemandang ba pengerami ngintu Jubli Emas nengeri tu

0

LANDIK NYURA: Michelle Goh ari SJK Chung Hua nerima perais ari Dennis Ngau, seiku ari pemenang ba pekit nyura.

MARUDI: Beserimbai enggau Pengerami Ngintu  Jubilee Emas 50 Taun Sarawak Merdeka Dalam Malaysia, sebengkah pemandang udah diatur ba Dewan Suarah Baram ti alai mandangka mayuh macham gambar sebedau sereta pengudah 50 taun Sarawak Merdeka dalam Malaysia kena Hari Enam minggu nyin tadi.

Pengerami nya udah dipenyadika Kaban Kunsil Nengeri Telang Usan Assemblyman, Dennis Ngau.

Pengerami nya mega udah digulu mensia mayuh ari peranak menua Baram baka ari rumah panjai ke besemak dia enggau bala nembiak sekula.

Tu meh pemandang keterubah diatur dalam kandang 50 taun, nya alai anang enda ngulu pemandang tu ke diatur nyentuk 18 Oktober tu ila, pia ku Dennis.

Sama bisi ngulu pengerami nya, Residen Miri, Anthonio Khati Gallis enggau sapit iya, Abdul Aziz Mohd Yusof sereta sekeda ketuai raban bansa ke bukai.