Saturday, August 13

Hari Orang Tuai 2013 renggat bansa diatur ba Kuantan

0

KUCHING: Hari Orang Tuai 2013 renggat bansa deka diatur kena 22 Oktober di Kuantan, Pahang.

Menteri Pemansang Orang Indu, Ruang Bilik enggau Raban Bansa, Datuk Rohani Abdul Karim ba sebengkah aum pengarang berita ditu kemari madahka Hari Orang Tuai nya deka dipenyadika Sultan Pahang.

“Hari Orang Tuai 2013 deka diatur ba Hotel Zenith, Kuantan Pahang kena 22 Oktober tu ti ngena rambai jaku ‘Ilmu Dijunjung Warga Emas Disanjung’ sereta dipenyadika Sultan Pahang.

“Senipak enggau rambai jaku, kitai deka ke orang tuai di menua kitai sama ulih ngasaika penguntung sereta ngemeranka pengawa belajar sepemanjai umur.

“Tu nunjukka orang tuai enda kala dikelaungka laban mayuh peluang, perengka guna enggau ke bukai disediaka perintah ngambika orang tuai seruran regas enggau produktif,” ku iya.

Orang tuai ku Rohani iya nya orang tuai ti beumur 60 taun keatas.

Bejaku baru iya madah, nyerumba Hari Orang Tuai 2013 bisi enam iku orang tuai ti nerima gelar ke nyulut dalam akademik sereta meri pemanah tauka penguntung ngagai menua, dibagi ngagai tiga kategori.

Nyerumba Hari Orang Tuai pengawa pemandang bisi diatur ti disereta Palan Pelajar Tinggi Perintah (IPTA) enggau Swasta (IPTS).