AADK Sarawak merambu mayuh agi program bepelasarka jalai pengarap

0

KUCHING: Agensi Antidadah Kebangsaan (AADK) Sarawak merambu deka ngaga mayuh agi program bepelasarka jalai pengarap sereta pengawa ngeraika nembiak ke dijaga ba palan nya (OKP).

Direktor AADK, Wan Madihi Wan Salleh madah, iya siti ari chara ngeraika nembiak kelimpah ari meri peransang ngagai OKP, ngasuh sida iya berubah ke deka mai pemaik ngagai diri empu.

“Kami deka mai mayuh agi OKP ngulu program tu sereta meri penemu seraya ngerembaika jalai pengarap sida kelimpah ari pengawa ngeraika sida,” ku iya madah ba sebengkah pengawa beserimbai enggau atur Nyambut Hari Maal Hijrah 1435H ditu, kemari.

Iya madah, sekeda ari program deka digaga besai ngambika semua OKP ulih sampal enggau program tu.

“Kami ngarap jemah ila, program tu deka digulu  urung 500 ari 600 OKP di Kuching.

“Enti diperati, sukung ke diberi ngagai OKP makin manah,” ku iya.

Iya madah, AADK deka terus mantu OKP ngambika ulih ngangkatka penau sida ke tau dikena sida datai ke jemah ila.