Site Last Updated 8:40 am, Sunday

Ketuai Raban Bansa Iban Kuching nemuai seraya gawa ke Opis Pelilih Mit Lundu

Posted on December 15, 2013, Sunday

KUCHING: Apin lama Ketuai Raban Bansa Iban Opis Pelilih Mit Menua Kuching bisi nemuai seraya gawa ngagai Ketuai Raban Bansa Iban di Opis Pelilih Mit Menua Lundu.

Penemuai nya betuaika Temenggung Datuk James Jimbun Pungga sereta disempulang Pemancha John Tambu Awat enggau lima iku Penghulu enggau 10 iku Tuai Rumah.

Ketuai Raban Bansa Iban di Opis Pelilih Mit Menua Lundu diketuaika SAO Jamaluddin Hassan, Penghulu Suyong Karatot enggau 16 iku tuai rumah di pelilih menua nya. Nitihku Tuai Rumah (WQ1 (B)) Adi Jala ti megai genturung pendiau Malihah Fasa 1 ke sama bisi enggau penemuai nya, raban sida diberi penerang bekaul enggau tanggungpengawa tuai rumah di kandang menua nya.

“Maya kami berandau di bilik aum, Rosmah Wahed mandangka kami tusun nama Ketuai Raban Bansa Iban ke bisi ba Opis Pelilih Mit Menua Lundu sereta nerangka tanggungpengawa tuai rumah. “Berebak enggau tu mega, Temenggung Datuk James mega diberi awak meri licha bekaul enggau pekara ti dikerandauka maya baum enggau ketuai raban bansa Iban di Kapit bulan nyin kemari,” ku Adi.

Print Friendly

We encourage commenting on our stories to give readers a chance to express their opinions; please refrain from vulgar language, insidious, seditious or slanderous remarks. While the comments here reflect the views of the readers, they are not necessarily that of Borneo Post Online. Borneo Post Online reserves the right not to publish or to remove comments that are offensive or volatile. Please read the Commenting Rules.

Comments are closed.