MIRI: Catholic Welfare Services (CWS) begempung enggau Koir Permyjaya sereta raban Iban Senadin kena Hari Lima tu tadi udah besaumka pengerami Hari Krismas enggau orang ke nguan rumah pengandai tuai di Krokop ditu.
Lebuh datai dia, sida lalu belaguka lagu Krismas ti ngagit sereta ngagaka ati orang ti nguan rumah nya. Rumah pengadai tuai nya dipelanja ari baruh Miri Chinese Charitable Trust Board.
Maya ke karolling nya, orang ke nguan rumah nya begulai enggau raban nya tadi sama bela belagu sereta betempik jari ba sebuah bilik ke diias enggau dua pun kayu Krismas.
Tembu karolling, sida lalu nyadung ‘ang pow’ pemakai enggau ai irup ngagai orang ke nguan rumah nya.
Sama bisi dia maya nya, pemesai penguasa palan nya, Betty Pong enggau Sister Emily Ubong.