RAMI: Reverend Canon Jamal (empat kiba) betuaika bala bukai maya Karoling ba Rumah Grace Itun Upo, Jalai Salim-Stabau ditu, empai lama tu tadi.
KELAI PENGAWA: Reverend Canon Jamal (empat kanan, mua) enggau bala bukai melah Kek Hari Krismas.
SIBU: Rumah Grace Itun Upo, Jalai Salim-Stabau ditu udah ngatur pengawa Karoling beserimbai enggau Pengerami Mantar Krismas 2013, empai lama tu tadi.
Pengerami tu betuaika Vicar Gerija Anglikan Saint John Reverend Canon Jamal lalu digulu lebih 200 iku raban gerija nya.
Bela bisi datai maya tu iya nya Sub Deacon Henry Kulis, Sub Deacon Obed George Gomes, Tuai Rumah Grace Itun enggau chairman komiti pengerami Frederick Taip Ledom.
Penanyi tebilang Rosiana Urai enggau Depha Masterpiece bela merindang bala mayuh lemai nya.
Reverend Canon Jamal diberi basa melah kek Hari Krismas kelai bejadi pengerami nya.
Pengerami tu endang diatur peranak rumah panjai nya ninting taun beserimbai enggau mantar Hari Krismas ti deka datai.
Raban ‘caroller’ tu nyengkaum sida ari bemacham tikas umur ti betuaika Vicar, paderi tauka sapit pederi enggau Sub Deacon.
Suah agi pengawa tu diatur ba ujung bulan November ngerami agi Hari Krismas.
Ba gerija Anglikan Saint John di Sibu, pengawa tu udah berengkah kenyau ujung bulan November tu tadi begintir ari rumah panjai seiti ngagai seiti tauka ba kandang mengeri.
Rumah Grace Itun sekeda ari rumah panjai menua pesisir digulu gerija tu ngatur pengawa nya.