MIRI: Menteri Pengereja Pengawa, Datuk Seri Richard Riot Jaem patah lengan kanan pengudah tegelinchir ba bilik mandi sebuah hotel ke endur iya bemalam ditu pagi kemari.
Taja pia iya agi sempat bejadika program “Klinik Gaji Minima Kebangsaan” ke diatur ba sebuah agi hotel ke tebilang ditu.
Richard ke mega Sapit Presiden Parti Sa’ati Rayat Sarawak (SUPP) diperumban dianjung ke Sepital luar ngambika diperubat.
“Nadai nenama tang aku deka beputung malam tu enti aku udah mulaika diri ke Kuala Lumpur,”pia ku iya lebuh ke dikerandau ba sepital nya.
Richard bisi ditu laban ke nemuai seraya bejalaika pengawa ngelama dua hari berengkah ari Hari Satu tu tadi.