PBTLDM Sarawak deka ngatur Hari Diri Sebilik di Kota Kinabalu, 27 April

0

SIBU: Serakup Ex-Soldadu Tasik DiRaja Malaysia (PBTLDM) Nengeri Sarawak deka ngatur Hari Diri Sebilik di Kota Kinabalu beserimbai enggau Hari TLDM di Markas Wilayah Laut 2, Pangkalan TLDM Kota Kinabalu, Teluk Sepanggar, Kota Kinabalu kena 27 April ini.

Nitihka penerang media ke diterima empai lama tu tadi, sekeda ari program ke bisi diatur maya tu baka nemuai ngagai Pangkalan TLDM Kota Kinabalu seraya ngemataka pengawa baris Hari Ngintu Penumbuh TLDM Ke-80 enggau program ke bukai ti diatur TLDM di Kota Kinabalu.

Serakup tu mega deka melanja 30 persin ari puku diau din iya nya RM150 ke baruh ungkup sebuah ruang bilik lalu tiket bilun enggau pemakai dipelanja diri.

Berindik ari nya, ex-TLDM ti bisi ati deka ngulu program tu dipinta tumu buking tiket bilun dulu sebedau madah ngagai serakup ngambika buking hotel lalu nyediaka perengka pengangkut.

Penerang silik tau ditanya ari PBLTDM Nengeri Sarawak nengah lumur 084-349755, 084-341935, 084-348872 tauka datai ngelawa opis serakup tu ba No.43-45, Tingkat 3, Jalai Tuanku Osman, Sibu tauka email [email protected].