MIRI: Datuk Sebastian Ting dijangka deka bediri ngetanka penuduk nyadi chairman Parti Sa’ati Rayat Sarawak (SUPP) Pampang Piasau maya pen-gawa bepilih komiti baru kena 27 Julai tu.
Ting madah, iya deka ngambi pom nyadi chalun ari opis SUPP Piasau ke berengkah disadung ke-mari nyentuk ngagai 15 Julai tu.
“Aku deka nganjung pom nyadi chalun kena 15 Julai tu,” ku iya maya dirandau ba Opis SUPP Piasau, ditu ensana.
Ting mangku pengawa nyadi chairman SUPP Pia-sau kenyau ari taun 2011 nukar penuduk Presiden Dipebasa SUPP Negeri Datuk Patinggi Tan Dri Dr George Chan.
Beliau madah, undi aum tiga taun sekali nya deka milih 43 iku kaban komiti pampang.
“Nyema kitai udah nerima 43 iti pom nyadi chalun, nyadi pengawa bepilih enda digaga.
Enti ngelui 43 iku chalun, kitai meri timpuh tiga hari (belabuh 15 ngagai 18 Julai) endur bala chalun matak diri,” ku iya.
Nangkan ke nya, Ting madah pengawa bepilih ungkup tanggungpengawa bukai iya nya chairman Nembiak enggau chairman Indu deka diatur tumu sehari iya nya kena 26 Julai.
Dua iku sida nya deka terus dipilih nyadi penulung chairman.
Bisi 43 iku komiti deka ngatur aum keterubah sida lalu milih kaban kom-iti ngisi tanggungpengawa dalam parti.
“Pengawa bepilih eng-gau ngundi nyangka tembu sehari, belabuh hari pagi ny-entuk ke malam,” ku iya.
Ting meri terima kasih ngagai bala kaban, peny-ukung enggau parti serakup Barisan Nasional (BN) laban ke udah meri sukung ngagai iya enggau parti ngelama tu.
SUPP Piasau udah muka baru opis pampang sida kena 2 Mei tu tadi pengudah Opis Pengerejista Gerempung Malaysia (JPPM) enda nyadi nginsil dua bengkah pam-pang SUPP iya nya Piasau enggau Bekenu.
“Nama utai ke nuntung parti sebedau tu awakka ngajar lalu nyadi pekara ke dikeingatka kitai.
Nya alai, aku andalka diri ulih terus nyingkang ke mua,” ku iya.