TYT Sarawak ngawakka diri bebuka puasa enggau raban soldadu di Kem Penrissen Kuching

0

 

KUCHING: Tuai Megai Menua Sarawak (TYT) Tun Abdul Taib Mahmud enggau bini iya, Toh Puan Ragad Kurdi Taib bepeluang be­buka puasa’begulai enggau bala Soldadu Pemerintahan Wilayah Timur di Masjid Salahuddin Al-Ayubbi, Kem Penrissen, ditu kena malam hari Tiga tu tadi.

Penatai TYT Negeri Sarawak enggau bini iya di­ambat Panglima Pemerinta­han Timur, Leftenan Jeneral Datuk Mohd Zaki Mokhtar enggau bini iya, Datin No­raihan Ibrahim.

Ba atur pengawa nya, Taib enggau bini iya bisi meri bantu Hari Raya ngagai 40 iku balu enggau anak patu balu.

Atur pengawa bebuka puasa nya mega bisi ngangau urung 800 iku raban soldadu bukai nyengkaum Ketuai Staf Am Pemerintahan Timur, Brig Jen Abdul Rahim Sebeli, Kepala Direktor Logistik, Brig Jen Dato’ Hasim Jabar, Panglima 3 Briged, Brig Jen Dato Mohd Nazir Mami, Panglima 5 Brig, Brig Jen Jalalludin Manan enggau Panglima 9 Bgd, Brig Jen Danial@Damien Abdullah.

Kelimpah ari nya, temuai ti dibasa bukai ke sama bisi ngulu atur pengawa nya, Sekretari Perintah Menua Sarawak Tan Sri Datuk Amar Mohd Morshi­di Abdul Ghani, Datuk Bandar Opis Kunsil Dewan Bandaraya Kuching Utara Datuk Abang Abdul Wahap Abang Julai enggau Kaban Kunsil Nengeri (ADUN) Muara Tuang, Dato Sri Mohammad Ali Mahmud (ti sama bisi meri bantu ngagai Markas Pemerintahan Wilayah Timur.