Kimpin Meri Darah bisi diatur ba Delta Mall pagila

0

SIBU: Mensia mayuh ditesau bela datai ngemujurka kimpin meri darah ke deka diatur ba Delta Mall, Jalai Pedada ditu kena pagila (27 Julai).

Kimpin tu diatur begulai Sibu Life Care Society, Medical Department, Gerempung Kwong Wai Siew Sibu enggau Kian Huat Hang.

Nitihka penerang ari Chariman Sibu Life Care Society, Sia Yuk Choung, kimpin tu pagila deka belabuh ari pukul 9 pagi nyentuk ngagai pukul 2 lemai.

“Kitai ngarapka mensia mayuh ulih datai meri darah maya kimpin tu.

“Kimpin tu mega dikena kitai nyaup Bank Darah Sepital Sibu ngulihka setuk darah ke bangat beguna ngagai orang ti bekenaka darah,” pia ku iya madah nengah sebengkah penerang media, kemari.

Kelimpah ari nya, iya mega madah, mensia mayuh ke bisi ati deka meri perengka dalam tubuh bela tau ngerijister maya nya.

Penerang silik bekaul enggau kimpin tu tau ditanya ngagai Sia nengah lumur 019-8194399 tauka Lee Mee Lay (019-8587768) enggau Hii Hing Yiu (019-8941596).