ILA DATAI BARU: Wan Zuki (empat kiba) nyuaka tepa ngagai Alexander maya nemuai ngagai Opis Pemadah Pelilih Kanowit ditu, kilah ensana.
KANOWIT: Kaban Kunsil Nengeri (ADUN) Ngemah Alexander Vincent udah nemuai ngagai Opis Pemadah Pelilih Kanowit (JPK) ditu, kilah ensana.
Maya ke nemuai nya Pemesai Opis Pemadah Pelilih Kanowit Wan Mohd Zuki Wan Ismail nerang ngagai iya bekaul enggau program opis sida.
Alexander maya tu mega ngambi awak bekelala enggau raban opis nya.
Iya mega bisi berandauka pekara bekaul enggau program ke diatur Komuniti 1Malaysia (K1M) ba pelilih nya enggau bala chariman K1M.
Sida ke enggau iya berandau tu iya nya Kaunsilor Benjamin Angki ti nyadi Chairman K1M Pekan Kanowit, Pemancha Spencer Kudang (Chairman) K1M Machan), Kaunsilor Stephen Chendang (Chairman K1M Bawan) enggau Kaunsilor Bunut Kubu (Chairman K1M Tada).