KEREBAN KENA MASUK: Tangga didiri penchuri kena masuk rumah ari penjan.
MIRI: Seiku penchuri engkechit ari rumah peninggi sepuluh kaki di Lutong ditu, berindik ari pengempu rumah nya tedani ninga kesuh seput iya urung pukul 4.30 dinihari, Hari Minggu tu tadi.
Tekenyit meda pengempu rumah nya tedani, penchuri nya lalu nyapai ‘smartphone’ sebedau ngebuka diri engkechit enda betangga ari penjan rumah nya.
Nasit sida sebilik nadai nenama, lalu ulah nya udah diripot ba balai polis Lutong ba hari ke sama mega.
Pengawa nya mega benung dipansik diatu.