SIBU: Polis udah nangkap seiku nembiak lelaki ke beumur 17 taun kena Hari Lima tu tadi pengudah iya didawa deka masung seiku nembiak indu ke beumur 11 taun pengudah ke bekelala nengah media rama ke dikumbai WeChat.
Seduai iya dipelabaka ngembuan pengerindu ngagai pangan diri pengudah lama bekelala ba WeChat kenyau ari bulan Ogos tu tadi.
Nembiak indu ke beumur 11 taun nya pansut ninggalka rumah sida di Jalai Kenari laban ke deka betemu enggau nembiak lelaki nya kena Hari Dua empai lama ke udah.
Seduai iya dipelabaka diau segulai ba rumah lelaki nya di Jalai Selanggan dalam timpuh tiga hari.
Hari ti kedua diau ba rumah pangan lelaki nya, nembiak indu nya madahka diri nyau deka kena pasung lelaki nya.
Iya dianjung lelaki nya pulai ke rumah kena Hari Empat.
Taja pia, indai nembiak indu nya ti bisi tepedaka lelaki nya nganjung anak iya pulai melabaka anak iya enggau nembiak lelaki nya udah ngereja ulah ke enda menuku.
Udah nya, indai nembiak indu nya terus mai anak iya ngaga ripot polis kena ke Hari Lima.
Nangkan ke nya, polis nangkap nembiak lelaki nya ngambika dipansik enggau silik.
Nembiak indu nya dianjung ngagai sepital ngambika diperesa.