KAPIT: Opis Tanggungpengawa Khas (JASA) Kapit udah mujur ngatur sebengkah program ke dikumbai ‘Membara Jalinan Wanita’ ba mayuh rumah panjai di sitak menua Hulu Rajang ke dipegai Kaban Parlimen Hulu Rajang Wilson Ugak Kumbong.
Nitih penerang ari tuai pengatur pengawa JASA, Jennifer Jantai, program nya diatur beserimbai enggau pengerami ‘Day Celebration’ ke bepelasarka juluk tuju atur pengawa meransang raban indu di menua pesisir lebih agi sida ke diau sepemanjai Batang Baleh awakka ransing sereta ngembuan penegap runding kena ngangkatka pemanah tikas pengidup diri di rumah panjai.
Beserimbai enggau nya, dua iku raban ejensi opis pengerai Florida Mathew Masirand enggau Dr Shashiela Mohd Daud dipaduka meri licha sepemanjai program nya ke diatur ba Rumah Juing, Rumah Gawan sereta Rumah Jarrau di Batang Baleh empai lama ke udah.
Kelimpah ari rayat di rumah panjai, sama bisi datai ba program nya ‘Biro Wanita PRS Pelilih Menua Baleh’.