37,488 iku chalun SPM di Sarawak berengkah napi peresa 3 Nov tu

0

KUCHING: Bisi 37,488 iku chalun peresa Sijil Pelajaran Malaysia (SPM) 2014 deka berengkah napi peresa nya belabuh 3 Nov nyentuk 4 Dis tu di Sarawak.

Direktor Opis Pelajar Sarawak Serina Sauni madah, ari penyampau nya, kira 34,833 chalun tauka 92.92 peratus nembiak Sekula Sekondar Perintah (SMK), 815 (2.17 peratus) chalun Sekula Sekondari Peribit sereta laluh 1,840 (4.91 peratus) chalun ngati ke diri.

Semua chalun nya deka belabuh napi peresa SPM ba 270 palan peresa iya nya 245 palan ba SMK, 12 palan sekula sekondari peribit enggau 13 palan ngati kediri di serata nengeri, ku iya ba sebengkah penerang ke dianjung kitu, kemari.

Semua chalun mega ditangkan ngambika mai Tingki enggau Slip Chalun Peresa.

Serina madah, bisi 168 Supervisor Sitak enggau 2,190 Pengemata udah dipadu ngemujurka peresa SPM di Sarawak taun tu.

Chalun ulih betelefon nuju Sektor Penilaian enggau Peperiksaan Jabatan Pendidikan Sarawak ngena lumur 082-473532 tauka 082-473507 enti bisi sebarang pekara deka ditanya.

Penerang mega ulih ditanya ari unit-unit pengemata endur peresa baka di Opis Pelajar Pelilih Kuching (082-240568/082-242254), Samarahan (082-628177), Sri Aman (083-322581), Betong (083-472595), Sarikei (084-651761),Sibu (084-332443), Mukah (084-871259), Kapit (084-796362), Bintulu (086-330541), Miri (085-416485) enggau Limbang (085-211150). — Bernama