Bisi 114 iku bulih pengawa ba Program AZAM Kereja di Kanowit

0

SIBU: Program Penempatan Pekerja AZAM 2014 ke diatur  ba Kanowit kena Hari Enam nyin tadi udah ngemujurka juluk 114 iku orang ke benung begigaka pengawa di menua nya.

Direktor Opis Pengereja Pengawa Sarawak, August Buma madah, urung 550 iku mensia mayuh bisi datai ngulu program nya.

“Bisi enam iku pengaji muka 200 iti pengawa puang  masuk ba program nya,” pia ku iya madah ngagai The Borneo Post.

Berebak enggau nya, bisi enam iku ngerijista diri ba portal E-Kasih, ku iya.

Iya mega madah, program ke sebaka deka diatur ba Daro kena 22 November tu.

Dulu ari nya, August madahka program ke baka nya mega dikena ngenemuka pengaji enggai orang ti begigaka pengawa puang.

Ba program nya, orang ti begigaka pengawa udah dipinta ngisi pom peminta dulu sebedau sida diinterviu, ke alai sesapa ti setipak enggau peminta lalu diberi kereja.

Kaunter mega bisi dibuka dikena nyendiaka bantu sereta lalau ngagai orang ti begigaka pengawa nyengkaum ngerijista diri ba ‘online’ JobsMalaysia portal.