SIBU: ‘Anang semina deka nyadi champian paranoid’ pia ku Menteri Muda Pemansang Nembiak (Mengeri) Datuk Abdul Karim Rahman (gambar) ke ngutuk ulah Chairman Gerakan Anak Sarawak (GASAK) Abun Sui Anyit.
Abdul Karim madah, ulah Abun ke ngaga protes ditu bekaul enggau perambu projek tekat Baram nya semina kena politik.
“Semua (protes) tu digaga bepelasarka nama politik,” ku iya lebuh dirandau.
Kena Hari Lima tu tadi Abun Sui, bisi ngatur demonstrasyen ba Laman Mengeri Sibu.
Abun madah, iya chukup ngemeranka nasit rayat di sitak Baram ti kena teresa projek nya.
Berebak nya, Abdul Karim nanya sekalika Abun Sui nyengala nemu sentang perambu perintah bejalaika projek nya.
Kebuah pia, perintah udah berundingka mayuh pekara sereta pansik ke silik sebedau bejalaika sesebengkah projek besai.
“Mayuh pekara udah diperundungka kami ngelama tu nyengkaum nasib rayat ti kena teresa,” ku iya.
Iya madah, pengari rayat Barisan Nasional (BN) entara orang keterubah mantah nyema pekara nya nadai dikemerat.
Perintah BN, endang sebengkah perintah ke betanggungjawap lalu enda patut pekara ke besangkut paut enggau rayat enda diperunding silik.
Nya alai, Abdul Karim ngelalau Abun Sui berundingka manah-manah bekaul enggau juluk perintah.