Uchi dipadu nyadi presiden baru SIAC

0

SIBU: Angleyn Uchi Maseng udah dipilih nyadi presiden baru Indu Mehtodist Iban Sarawak (SIAC) ungkup renggat 2015-2016.

Pengawa bepilih nya diatur beserimbai enggau Aum Ninting Taun SIAC ba sebengkah hotel tebilang ditu, kilah ensana.

Aum nya digulu urung 140 iku raban ari serata nengeri. Sebedau tu, penuduk presiden SIAC dipegai Collin Utan.

Raban bukai ke dipilih maya tu iya nya Jacquaeline Jelawai ti dipilih nyadi Sapit Presiden lalu Felice Meru (sekretari) enggau Lily Dosson (tukang wang).

Bela dipilih maya tu iya nya Dadek Jalin, Maggie Joshua enggau Doris Peter Gani ti dipilih nyadi koordinator komiti khas.

Bela bisi datai maya pengawa tu iya nya Presiden Gerija Methodist Iban Sarawak Reverend Steward Damat enggau Presiden Indu Methodist Malaysia (GCMW) Dato Ir. Alice Jawan.