Bansa Kenyah di Long Makabar nitih singkang pemansang bansa bukai

0

MARUDI: Sebengkah raban bansa Orang Ulu ke mega dikumbai bansa Kenyah ke bisi ditemu diau di Long Makabar semina begunaka jalai batang ari bandaraya Miri enti deka nemuai ngagai genturung pendiau sida.

Penyauh pejalai ari Miri ngagai menua nya urung lapan jam sebedau ke disediaka sistem jalai alun. Sebedau bisi jalai, peranak menua nya semina ulih undur ke pasar nengah jalai sungai, ngena perau ari Marudi.

Taja pia, peranak Long Makabar mega enda tinggal awak pemansang berindik ari penyiru perintah ke semampai ngibuhka rayat di menua nya.

Sebuah sekula primari ke dikumbai SK Long Makabar ke ngembuan 70 iku nembiak ke tebal agi nembiak ke besekula di sekula nya datai ari rumah panjai bisi disediaka ungkup ngagai peranak di menua nya.

Kaban Kunsil Nengeri (ADUN) Telang Usan Dennis Ngau bisi udah ngatur awak nemuai ngagai rumah panjai nya beserimbai enggau pengerami ‘Land Sport Carnival Zon Silat’ empai lama ke udah.