GENAP 40 TAUN: Taib (tengah) begulai enggau pengabang dipebasa ke bukai nyirap kek kelai ngintu genap 40 taun penumbuh CMS di BCCK ditu, malam ensanus.
KUCHING: Cahya Mata Sarawak (CMS) enda kala beambi ulih ari kaul manah begulai enggau Perintah Nengeri ngambika nyadi sebengkah entiti dagang ke mujur,” ku Tuai Pemegai Menua Tun Pehin Sri Abdul Taib Mahmud.
Iya madah sepemanjai timpuh nyadi kepala menteri, iya udah nyeliahka diri ari kaul enggau CMS ketegal ti deka nyeliah sebarang konflik.
“Maya aku nyadi Kepala Menteri, aku beratika CMS enda kala beambi ulih ari kaul sida enggau aku ketegal aku udah nyerara pengidup aku enggau kompeni nya nyentuka diatu.
“Aku gaga meda raban dalam CMS ketegal meretika kebuah aku nyerara diri ari sida. Aku deka nyeliah sebarang konflik ti dipeda mulaika penguntung ngagai aku ke nyadi kepala menteri,”ku iya ba pengerami Genap 40 taun CMS di palan Aum Borneo Kuching (BCCK) ditu, malam ensanus.
Kelimpah ari nya, Taib madah iya mega gaga pengudah CMS mayuh udah nyaup ngemansang Sarawak baka kompeni bukai.
Ku iya, CMS udah milih kuing ti ngena, ngeremeratka tanggung pengawa ngemansang Sarawak tajapan ngembuan pengulih nempa pemujur ke besai ba bengkah serbis pekara wang baka ke pengawa sida ti udah ngerembaika Kenanga, seiti kompeni servis pekara wang ke besai di Malaysia.
Ngenang kaul ke sama, Taib muji pengeran CMS ti berani ngaul diri sereta nyukung Score ngambika perintah enda numbuhka seiti agi ijinsi perintah ke bukai dikena nentuka Score nempa pemujur.
“Bepelasarka pejalai pengawa Score diatu, palan nya udah ngerembai enggau lengkas ari ke disadang.
“Aku gaga ketegal CMS udah bejalaika tanggung pengawa enggau berat lalu kompeni tu disadang deka ngesan tanggung pengawa ke besai agi ba pengawa nempa pemujur palan Score,’ku iya.