SIBU: Opis Rama, Main Asal, Lumba enggau Penyerakup Nangka (SSBSPN) deka ngatur Pekit Liga Futsal DUN Nangka kena 6 enggau 7 Disember tu ila.
Pekit tu semina tebuka ngagai tim ari Bagi Menua Sibu aja lalu dibagi ngagai Kategori Lelaki Tebuka enggau Kategori Lelaki Baruh 16 taun.
Bayar masuk pekit tu iya nya RM80 (Kategori Lelaki Tebuka) enggau RM50 (Kategori Lelaki Baruh 16 Taun).
Pekit tu ila deka dipejalaika ba gelanggang Futsal 1Malaysia, Jalai Genturung Pendiau Nangka, Sibu ditu.
Penerang ke silik enggau pom pekit tau diambi ari Freddie Chua (014-5863513), Junaidi Ahmad (013-812 2408), Khussuady Penyarang (012-858 8848), Edmund Chua (016-589 2883) enggau Roslan Hashim (013-561 7177).
Pom enda tau laun dianjung ngelui ari 4 Disember ngagai No.7H, Ringkat 1, Palan Servis PBB, Jalai Bandung, Sibu.