SIBU: Parti Demokratik Progresif Sarawak (SPDP) Pampang Bawang Assan deka ngatur pengawa beripai meresi kandang Rh Anthony Philip kena Hari Minggu tu.
Pengawa nyembur asap (fogging) mega bisi dipejalaika dikena muru tauka ngemunaska nyamuk Aedes.
Koordinator program nya, Wong Hua madahka SPDP Pampang Lebaan, JKKK Rh Anthony Philip, Opis Kaunsil Pelilih Mit Sibu enggau Opis Pengintu Pengelantang Pendiau deka begempung ngemujurka program nya.
“Kami deka berengkah pukul 8 pagi lalu Opis Pengintu Pengelantang Pendiau deka muka kaunter belabuh ari pukul 8.30 nyentuk ke 2.30 ngalihari.
“Sesapa ti begunaka bantu ari opis nya, baka orang ti nyelai pendiau (OKU), indai tunggal enggau orang ke seranta diperansang ngagai kaunter nya,” ku iya.
Peranak ba kandang menua nya mega diperansang masuk ba program nya lalu penerang ke silik tau ditanya ngagai iya empu nengah lumur 016-8880030 tauka Tuai Rumah Anthony 013-8196976.