SIBU: Gerempung Veteran Soldadu Malaysia Nengeri Sarawak (PVTMS) madahka penanggul rumah veteran Soldadu Malaysia (ATM) ba nengeri tu patut dikemeratka perintah nengeri.
Berindik ari nya, PVTMS deka chakah agi mantu veteran ATM ke bepinchin tauka enda bepinchin ngembuan rumah diri empu ba sebarang endur di kandang mengeri.
“PVTMS deka mantu ngerijister veteran ATM ba nengeri tu ke empai bisi rumah ba kandang mengeri.
“Anjung penerang kita lengkas ngagai gerempung sebedau ujung taun tu,” pia ku penerang PVTMS ke diterima, kemari.
Penerang nya tau dianjung ngagai opis PVTMS, No 43-45, Tingkat 3, Jalai Tuanku Osman, Peti Surat 967, 96000 Sibu, Sarawak tauka telefon nuju lumur 084-349755/084-341935.
Sida ke ba Kuching tau ngelawa Pusat Perkhidmatan Bahagian Kuching PVTMS Tingkat 1, Sublot 29, Lot 923, Golden Square, Jalai Kuching-Serian Batu 17, 94200 Siburan, Kuching tauka telefon ngagai lumur 082-862598.
Ba Mukah, Pusat Perkhidmatan Muka PVTMS di No Sublot 58, Tingkat 1, Jalai Orangkaya Setiaraja, 96400 Mukah tauka telefon nuju lumur 084-872696.