KOTA SAMARAHAN: ‘Smart Village Initiative enggau Workshop on Energy for Off-Grid Villages in South East Asia’ ti diatur di Malaysia lalu Universiti Malaysia Sarawak (UNIMAS) dipilih nyadi palan endur ngatur udah dipenyadika Menteri Sains,Teknologi enggau Inovasi Datuk Dr. Ewon Ebin kemari.
‘Smart Village Initiative’ ditumbuhka ‘Amanah Pembangunan dan Pendidikan Malaysia Cambridge’ (CMEDT), Pusat Pengajian Komenwel Malaysia (MCSC) enggau Majlis Penasihat Sains Akademi Eropah (EASAC).
Tuju inisiatif nyadi dikena mansik solusyen, pekara dagang enggau teknikal dikena nyendiaka energi ke tan lama ke pemansang raban bansa menua pesisir ti Off-Grid.
Nambahka nya ngambika raban bansa menua pesisir ulih ngasaika pemasang teknologi.
Beberapa worksyop deka diatur ba enam buah rantau di serata dunya dikena ngumpul input ari pemegai ti bekaul enggau projek elektrifikasi menua pesisir.
Ba menua Asia Tenggara, worksyop diatur ba Malaysia sereta dipejalaika Akademi Sains Malaysia (ASM) iya nya sebuah ejensi di baruh Opis Menteri Sains, Teknologi enggau Inovasi sereta UNIMAS.
Woksyop ti diatur ba UNIMAS nya ngempuruka raban saintis, ‘thinkers and doers’ serata rantau tu, ngambika bulih penemu baru ari mensia mayuh dikena napi pemar nyendiaka kuasa karan ba menua pesisir ngambika nyadi ‘Smart Village’.
Dalam timpuh dua taun ti deka datai raban Smart Village arimayuh bengkah dispilin (pelajar) deka gawa enggau orang ti bekaul rat enggau menua mansang kena nentuka inisiatif nya amat ulih napi isu dunya ti bendar lalu teulihka impak sereta pemereti ti efektif.
Raban nya deka betemu enggau peranak menua lalu berundingka pekara ti diguna sida sereta pengingin tauka juluk ati sida.