AWAS ngansak pedagang nurunka rega barang

0

SIBU: Angkatan Warisan Anak Sarawak (AWAS) ngansak piak penyual, pengilang sereta pedagang nurunka rega barang enggau lengkas beduduk ari rega minyak ke udah nurun empai lama ke udah.

Sekretari Besai AWAS, Mohd Junaidi Sambang, madahka rega barang patut diturunka dikena nempa pengelikun ekonomi menua kelimpah ari meri pengelantang ngagai rayat di menua tu.

“Kitai udah leju ninga mayuh kedalih ari pedagang ke bejualka barang ketegal ti deka ngulihka untung ke udu ngenusah rayat,” ku iya.

Enti suba rega minyak niki, nya nyadika kebuah rega barang ditiki dalam timpuh enda datai 24 jam.

“Nama kebuah diatu pengudah rega minyak nurun empai lama ke udah, rega barang enda nurungsereta dipeda agi mengkang mar baka selama?,” pia ku iya.

Kenu ku iya, AWAS chukup nyukung semua atur ti dikemeranka perintah ke dipeda chukup ngemeratka rayat.

Beduduk ari nya, iya ngarapka sebarang runding enda menyana ke udu nating pengidup rayat patut diseliah orang dagang.

“Kitai minta piak penyakal anang nempa sebarang jaku petenah ke enda beradat di media rama dikena ngerapaska runding rayat,” ku tandu iya.

Semua piak (penguna) patut pintar berunding ngambika enda muntang ditipu sereta beratika ni bagi piak ke beamat meri pengelantang nagagi rayat.

Kena 1 Februari empai lama ke udah, rega minyak RON95 nurun 21 sen ngagai RM1.70 seliter seraya RON97 nurun 11 sen ngagai RM2 seliter.