SIBU: Kepala Menteri (KM) Datuk Patinggi Tan Sri Adenan Satem udah ngulu Program Randau Begulai Enggau Raban Penerit Adat Sitak Sibu ditu, lemai kemari.
Maya program tu, Direktor Opis Kampung Sarawak Sapuan Ahmad bisi mantaika penerang senentang pengawa opis sida.
Bela bisi datai maya tu iya nya Sapit Kepala Menteri Datuk Patinggi Tan Sri Alfred Jabu Numpang enggau Sekretari Perintah Nengeri Tan Sri Datuk Amar Morshidi Abdul Ghani.
Ejensi penerit adat ke bisi ngambi ba program tu iya nya Opis Kampung, Sarawak Forestry Corporation (SFC), Opis Pengeraja Asal, Opis Penglikun Sungai, Opis Tanah enggau Servei, Opis Pemansang Kayu Sarawak (PUSAKA), Opis Perengka Pengangkut (JPJ), Kastam, Maritim, Opis Penagang Makai Suap Malaysia (SPRM), Opis Penyangkai Kapal enggau Harwood.
Taja pan baka nya, program tu enda dibuka ngagai mensia mayuh ke bukai.