Roland mengkang dikearap ngiring SDNU Simanggang

0

TANGGUNGPENGAWA: Roland (tiga kanan) nibarka jaku lalau begulai enggau kaban komiti SDNU Simanggang Sesi 2015-2016 maya Aum Besai nya.

SRI AMAN: Roland Demong Radin mengkang dikearap ngiring Serakup Dayak Sarawak (SDNU) Simanggang ungkup sesi 2015-2016, ba Aum Besai serakup nya ke diatur kena Hari Minggu nyin tadi.

Berebak enggau nya, Whelton Lumpoi dipilih nyadi mandal lalu Geoffery Baja dipilih nyadi sekreteri.

Vincent Roy Muda dipadu nyadi sapit sekreteri lalu Sebastian Renggian sereta Suggom Sadai dipadu nyadi tukang wang sereta sapit tukang wang.

Seraban lima iku dipilih nyadi komiti iya nya Sinclair Tawi, Edwin Ancheh, Brinau @ Gemong Juntau, Nilla Bara enggau Dennis Gasan.

Ku Roland, sida deka ngatur pengawa milih pengari ngulu Aum Tiga Taun Sekali SDNU ti deka diatur kena 15 enggau 16 Mei tu ila.

Iya minta semua kaban SDNU Simanggang betulung enggau pangan diri awakka serakup nya ulih ngintu pengelantang pendiau raban Dayak dia.

“Aku meri besai terima kasih ngagai semua kaban SDNU Simanggang laban ti mengkang arapka aku ngiring serakup tu,” ku iya.