LIMBANG: Pasukan Gerakan Am (PGA) Kompeni C Batalion 12 Limbang mujur ngerampas 2500 lumpung kayu sereta tiga injin besai ke dipelaba dikena sida enchuri kayu di Ulu Sungei Lubai, Bukit Sagan kena 26 March tu tadi.
Operasyen PGA tu digaga pukul 3.35 lemai diuluka Asp. Paul Paren Ibau.
Lumpung kayu ke dirampas nya dipelabaka ditebang nadai belisin.
Bela dirampas tiga buah injin besai, sebuah kerita Hilux enggau sebuah tinso.
Dua iku pekereja lelaki ke beumur 25 enggau 26 taun ditangkap ba pengawa nya.
Dipelabaka ungkus semua barang ke dirampas berega RM1,211,000.00.
Semua barang kes dianjung ngagai Opis Kampung Sarawak Menua Limbang ngambika dipansik.