BINTULU: Menteri Besai Datuk Seri Najib Tun Razak kemari madahka perintah udah ngaga pemutus deka ngungkupka pemeri bantu RM500 ngagai 74,614 pekebun getah di serata nengeri Sarawak.
Tuju bantu ke manggai penyampau RM37.3 juta nya dikena ngelempungka tating ke penusah raban pekebun getah berindik ari rega getah kelalu mit.
Kenu ku iya, Menteri Pemansang Menua Pesisir enggau Kandang Menua Datuk Seri Mohd Shafie
Apdal deka bekerejasama enggau Menteri Kebun Dandang Besai enggau Komoditi
Datuk Amar Douglas Uggah sereta Sapit Kepala Menteri Sarawak Datuk Patinggi Tan Sri Alfred Jabu Numpang nyadung bantu nya enda lama agi.
Najib madah munyi nya rambau ngabas rayat di Rumah Panjai Henri Nuni ditu lemai kemari. Berebak enggau nya, Najib mega madah diri ngemendarka agih belanja RM1.5
juta dikena bejalaika projek tekat bah, nagang tanah tusur enggau projek ngemanahka rumah panjai nya.
Najib nemuai serayaka gawa dua hari ke Sarawak dati ditu pukul 3.20 kemai kemari lalu bekejang ke Ulu Sebauh. Datai din iya diambat urung 5,000 iku rayat ke begelumu ari tumu pagi ke gagit nganti penatai iya.
Nangkan nya, Najib madah projek Jalai Raya Pan Borneo ke deka dipenyadi sehari tu deka ditangkir besai ngambika meri pengelantang ngagai rayat Sarawak.
Kenu ku iya, enti jalai rayay udah manah iya ulih mantu nurunka rega barang, kelebih agi di menua pesisir.
Menteri Besai ngelalau rayat Sarawak anang mudah kena ajum raban orang ke ngumbai Chukai Barang enggau Servis (GST) nanting pengidup rayat.
Iya madah GST mantu nyungkak penatai pemisi menua lalu belanja nya ulih dikena ngemansangka kandang menua pesisir dudi hari.
Najib minta rayat Sarawak terus tegap nyukung Barisan Nasional dikena nyamin pemansang menua. — Bernama