MARUDI: Tujuh buah rumah panjai bansa Penan di Long Daloh ditu, berasai gaga pengudah nerima perabung rumah, pemeri ari perintah ke disuaka Sapit Kepala Menteri Datuk Patinggi Tan Sri Alfred Jabu Numpang kena Hari Lima tu tadi.
“Kitai ngarapka raban bansa Penan nengah bantu tu ulih ngentapka pendiau diri berumah panjai begulai enggau pangan diri lalu ngasaika pemansang ke dipejalaika perintah Barisan Nasional (BN),” ku iya Sebaka enggau bansa bukai, kitai deka meda bansa Penan ngasaika penguntung ari pemansang ti dipejalaika perintah, tandu iya.
Iya bejaku munyi tu ba sebengkah atur pengawa, Ketuai Begulai enggau Rayat ke diatur di Long Daloh ditu.
Bela bisi enggau iya bejalaika pengawa nya, sapit menteri Perengka Guna Mensia Mayuh (Kuasa Karan enggau Penyambung) Datuk Dr.
Stephen Rundi Utom, Senator Datuk Lihan Jok , ADUN Telang Usan, Dennis Ngau, sapit sekretari menua Sarawak, Datu Ose Murang, Residen Miri, Anthonio Kathi Galis sereta ketuai raban bansa Penan, Temenggong Datuk Assan Sui.