Penembu Jematan Batang Sadong jemah ulih nyungkak penatai pemisi mensia mayuh

0

KUCHING: Penembu Jematan Batang Sadong di Pelilih Menua Samarahan jemah chukup beguna dikena mensia mayuh ke diau ngelingi nya nyungkak penatai pemisi sida.

Kaban Kunsil Nengeri Sadong Jaya Aidel Lariwoo madah pengawa ngaga jematan nya diatu udah tembu kira 75 peratus.

Jematan ke pengabis panjai di Sarawak nya, sebagi ari bungkur projek jalai tebing pantai di menua tu.

“Enti suba nyangka jauh endar pejalai enti deka ngagai sesebengkah sitak tang enda lama agi kitai deka bisi jalai puntang,” ku Aidel lalu nambah pekara bekait enggau jalai tebing pantai sereta jematan tu bisi dibantai maya Aum Kunsil Nengeri ke-17 minggu seiti ke udah.

Iya madah mayuh agi pemansang deka dibai ngagai sitak nya berindik ari penembu jematan nya ke ulih dikena mensia mayuh.

Kelimpah ari pansik ngabas penembu jematan tu tadi, Aidel mega bisi nyuaka geran RM5,000 ngagai komiti Pendam Kpg Tjg Kelaso, Kpg Rangkang, Kpg Rangawan enggau Kpg Sg Putin sereta nyaup komuniti dia beripai meresi pendam Islam di genturung pendiau nya.