NGANTI PEMUTUS AKIM: Dua belas iku indu bajik sedia bepekit ngerebut Kumau Gawai Taee 2015.
KUCHING: Dua belas iku indu dara bajik ari pelilih Serian, Bau, Padawan, Siburan enggau Penrissen deka bepekit ba renggat penudi ngerebut gelar ‘Kumau Gawai Taee 2015’ berebak enggau pengawa beserumpu makai lemai “Nyara Mari Sawa 2015’ di Balai Mensia Mayuh Kampung Taee kena 31 Mei 2015.
Pekit ke diatur Girumpung Batan Asal Kampung Taee nengah kerejasama JKKK Kampung Taee dipejalai ninting taun nyerumba pengerami Hari Gawai.
Pekit ke digulu 12 iku indu dara bajik ke beumur entara 18 -26 taun deka ngayanka Amanda Claudia ,18, ari Kampung Taee, Dee Dee A’iene ,20, (Grogo), Rodim Maes ,25, (Bra’ang), Michelle Ashley ,19, (Semaba), Colly Diana Mike ,26, (Sebemban), Diana Iyvene ,18, (Mambong).
Sekeda ke bukai ti deka bepekit ba pengerami ke disadang digulu Menteri Pengatur Pemayuh Pengereja Pengawa ke mega Kaban Parlimen Serian Datuk Sri Richard Riot iya nya Claudia Evadiorlorez, 20, (Kpg Taee), Miselle Octovie Thomas ,25, (Krian), Cassina Chikros ,24, (Taee), Mealtha Martin, 19, (Mantung Mera-u), Marie Alexndra Beatrice ,20, (Seratau) enggau Amanda Jane Simon ,21, (Kakai).
Nitih penerang ari pengatur pekit, perais ungkup gelar Kumau deka nerima mata duit RM1,000, lumur dua RM800 lalu lumur tiga RM600.
Semua penyereta bukai deka mega nerima RM200 seseiku.
Pengerami taun 2015 tu mega nyendiaka kategori Kumau Photogenik enggau Kumau Ngepan Pemadu Manah ke alai kededua kategori nyendia perais RM400.
Ngenang kaul ke sama, kena 1 Jun 2015 di laman Balai Mensia Mayuh Kpg Taee pengawa bejalai bebala mayuh ngelingi genturung pendiau nya ke digulu bepuluh iku kaban gerempung ti mandangka ngepan Bidayuh mega deka diaatur Ngayanka adat enggau main asal sereta ngepan raban bansa Dayak ba sepemanjai jalai, Birarak Gawai Binua deka berengkah pukul 1.00 ngalihari nyentuk ke lemai lalu diuluka raban Komiti Adat enggau Main Asal Kpg Taee pia mega digulu rayat ke diau ngelingi kandang pendiau nya.
Ba taun ke udah, tanda ajat raban bansa enggau main asal bukai ke dipandangka ngagai temuai udah chukup ngelantangka ati lalu nya meh gaya pengidup raban bansa Dayak dulu menya ke deka diayanka baru ngambika meruan dipeda sereta dikeingatka rebak baru.