KUCHING: Mayuh agi kanak bansa Penan bepeluang masuk serta belajar di pra sekula enti lima buah sekula ari baruh Program Pelajar Komuniti (Penan) Kandang menua Apoh/Tutoh di pelilih mit Baram dalam Bagi Menua Miri ke dipelanja Petronas berengkah beoperasyen dalam bulan Januari taun baru.
Menteri Pengelantang Pendiau, Orang Indu enggau Pemansang Ruang Bilik Sarawak, Datuk Fatimah Abdullah (gambar) madahka lima buah sekula nya deka digaga di Long Jenalong, Long Kerangan, Long Leng, Long Kawa enggau Long Selulong nengah bantu Program Tanggungpengawa Rama Korperat (CSR) Petronas ke beungkus RM2.75 juta.
Ku iya, sekula nya deka nyediaka peluang pelajar tumu ngagai nembiak sechara teatur ngagai nembiak Penan ti beumur ari baruh tujuh taun, di kandang menua Apoh-Tutoh.
Kelimpah ari nya ku iya, nya mega nyendiaka awak ngagai komuniti menua nya ngambika regas agi ba pengawa ngiring, ngajar enggau pelajar anak sida.
“Pemutus numbuhka lima buah sekula ba endur nya pengudah ngira penuduk ke semak enggau jalai ‘Sabah Sarawak Gas Pipieline’ (SSGP) ti diempu Petronas, ti mega ulih dilawa nengah jalai kompeni kayu batang ke diatu,” pia ku iya ba aum pengarang berita ensanus.
Ku Fatimah, naka ke diatu kelima-limagenturung pendiau nya nadai peluang ngasaika pelajar tumu nembiak mit sechara formal laban kandang menua nya mengkang bedau bisi kawasan itu masih taska, tadika tauka prasekula.
Iya madah, ungkup belanja RM2.75 juta ari Petronas nya deka disadung sechara berenggat ke alai pengawa ngaga nya deka digaga nengah empat renggat baka pemun nyendiaka diri dalam timpuh setaun, bejalaika (dua taun),ngemanah (dua taun) enggau diempu perintah.
“Pelngawa bejalaika program lima taun nyanadai begunaka sebarang ungkus ari perintah nengeri nyentuk ke diempu ejensi perintah baka KEMAS enggau JPNS (Opis Pelajar Nengeri Sarawak) kena taun 2020,” ku iya.
Berebak enggau nya, Menijer Besai Petronas Pelilih Sarawak Shamsur Taha madah, program nya (prasekula) ti keterubah endar dipejalaika kompeni petrolium nasional ke alai iya deka meda pemujur nya.
“Projek tu manah amat laban ukai semina nyediaka pelajar tumu ngagai nembiak mit tang mega sebengkah projek komuniti,” ku iya. — Bernama