Bioekonomi di Sarawak deka dikerembai

0
DEKA DIKEMANSANG: Jabu (dua kiba) ngemata sekeda produk bepelasarka bioekonomi ke bisi dipandang rambau Hari Bioekonomi di Kuching kemari.Bela dipeda Panglima Madius(kiba).

DEKA DIKEMANSANG: Jabu (dua kiba) ngemata sekeda produk bepelasarka bioekonomi ke bisi dipandang rambau Hari Bioekonomi di Kuching kemari.Bela dipeda Panglima Madius(kiba).

KUCHING: Pengaya pengeraja asal ke dikembuan nengeri tu ulih diguna ungkup pengerembai bioekonomi,ku Kepala Menteri Datuk Patinggi Tan Sri Adenan Satem.

Bejaku rambau bejadi Hari Bioekonomi ke diatur di sebuah hotel ditu kemari,iya ngarapka Sarawak ulih nyadi sebuah nengeri ti ngembuan pengeraja bioekonomi.

“Dikena nyapai juluk nya,RECODA enggau Sarawak Biodiversity Centre udah nempa kerejasama rat dalam atur ngemansang industri bepelasarka bio.

“Kerejasama tu begunaka sukung ari nengeri enggau ejensi perintah laban pekara tu ulih nentu ejensi ke diberi tanggung pengawa mujur ba industri bioekonomi,”ku iya.

Teks jaku Adenan dibacha Sapit Kepala Menteri Datuk Patinggi Tan Sri Alfred Jabu ti datai ngarika iya.

Adenan nambah, ejensi perintah nyendiaka bantu ba projek bioekonomi ngagai ejensi ke dipilih lalu nya nyengkaum bantu ngemudah atur belanja, nyendia perengka guna sereta ngemudah atur chukai.

“Diatu bisi lapan BioNexus status kompeni ngaga operasyen di Sarawak ti ngemeratka pengawa aquakultur enggau bioteknologi tasik, bioteknologi utai tanam, bioteknologi utai tupi, bioremediation, kimia enggau biomedical.

“Nengah atur numbuhka mayuh agi BioNexus status kompeni di nengeri tu, kompeni ulih nguna perengka guna ke disedia lalu ngangkatka industri bepelasarka bio di Sarawak,”ku iya.

Hari Bioekonomi ke diintu sehari nya nyadika palan endur nerenak pemereti sentang Program Ubah Bioekonomi,Program BioNexus enggau Program Pemansang Bioekonomi Komuniti.

Dulu agi ari tu, Hari Bioekonomi kala diatur di Kota Kinabalu,Sabah ba bulan November 2015.

Bela datai Menteri Sains, Teknologi enggau Inovasi (MOSTI)Datuk Seri Panglima Madius Tangau,Sapit Menteri Datuk Dr. Abu Bakar Mohamad Diah, Menteri Muda Pemansang Industri Datuk Peter Nansian,Ketuai Sekretari MOSTI Dato Sri Dr. Noorul Ainur mohd Nur enggau CEO RECODA Tan Sri Datuk Amar Wilson Baya Dandot.