Pengundi Sarawak nadai nguna chalun main-main

0
NAMA BERITA ?-: Najib benung betabi enggau mensia mayuh ke ngelaluka penatai iya ba Rumah Faizal, Engkeramut, kemari. — Gambar Bernama

NAMA BERITA ?-: Najib benung betabi enggau mensia mayuh ke ngelaluka penatai iya ba Rumah Faizal, Engkeramut, kemari. — Gambar Bernama

SRI AMAN: Pengundi Sarawak nadai begunaka chalun ke main-main sereta enda bebendar mai agenda pemansang ngagai rayat di nengeri tu, ku Datuk Seri Najib Tun Razak.

Menteri Besai madah, rayat begunaka chalun enggau ketuai ke bisi penau sereta bepenemu dalam numbuhka perintah ngatur nengeri.

“Pengawa Bepilih Besai Nengeri (PRN) Sarawak tu besai reti, begunaka chalun ke udah sedia gawa ke rayat, ukai sida ti tengah malam enda memukai lenyau,” ku iya maya pengerami ke diatur di Rumah Faizal Anak Edmund Minit, Engkeramut, urung 40km ari tu, kemari.

“Nyema deka numbuhka perintah, kitai meseti ngengkahka chalun ti penapat, ukai sengapa, ukai main-main,” ku iya.

Bela bisi datai chalun Barisan Nasional (BN) sitak Kunsil Nengeri (DUN) Bukit Begunan ke mega nyadi penyandang penuduk nya, Datuk Mong Dagang. Iya deka disatup chalun PKR Jubri Atak.

Najib sebedau nya dibai nengah jalai raya ke ngambi timpuh urung 40 minit ngelaban ujan bangat sereta jalai ke lichin pengudah ngulu pengerami di Rumah Jegai, Purai, Undop.

Ba pengerami nya, Menteri Besai minta bala pengundi di Sarawak, lebih agi di

Sri Aman, patut pintar nguna kuasa sida milih BN ke diiring Kepala Menteri Datuk Patinggi Tan Sri Adenan Satem neruska agenda pemansang ke udah dilanggur.

“Nyadi, enti kitai ngandalka BN, pemansang deka terus diperambu lalu Sarawak sigi enda tinggal arus pemansang lalu Bumi Kenyalang tu deka terus likun sereta lantang,” ku iya.

Berebak enggau nya, Najib bisi ngungkup agih belanja RM200,000 dikena ngatur pemansang ba rumah panjai nya ke diuan 253 iku orang.

Iya mega ngemendarka projek ngaga begunan baru Sekula Primari Bakong ke alai lima buah bilik kelas enggau siti makmal sains. — Bernama