Tu meh penemu Kepala Menteri ke chukup nyemetak laban kuasa nya beguna amat ngagai rayat Sarawak
KUCHING: Sarawak sigi enda pansut ari Malaysia tang keran ke kuasa dibagi bela dalam mayuh bidang laban nya beguna amat ngagai rayat di nengeri tu.
Menteri Penguasa Pemayuh Pengereja Pengawa, Datuk Sri Richard Riot Jaem madah munyi nya sereta muji penemu Kepala Menteri ke chukup mereti sentang pengingin rayat ditu.
“Kepala Menteri udah madah nyemetak, Sarawak tetap seruran dalam Malaysia maya ngintu Pengerami Hari Sarawak Merdeka ke dirami terubah iya kena pagi tadi (22 Julai).
“Kena 22 Julai 1963, Sarawak ngembuan kabinet keterubah lalu perintah British maya nya nyerahka kuasa ngagai Kepala Menteri, Tan Sri Datuk Amar Stephen Kalong Ningkan sereta lima iku kaban kabinet iya.
“Kitai bulih kuasa baru, ukai ngambi Sarawak ngambika kitai enda tinggal ari sukut pemansang perengkaguna, ekonomi enggau pekara pelajar.
“Laban Sarawak begulai enggau Malaya, Singapura sereta Borneo Utara (Sabah) numbuhka sebuah menua baru ke diberi nama Malaysia.
“Ketegal nya, anang sesekali kitai ngumbai diri masuk Malaysia, laban kitai enggau numbuhka menua Malaysia tu,” ku iya rambau bejadi Pengerami enggau Pekit Ratu Bilanting di Tebakang malam ensanus.
Iya ke mega Kaban Parlimen Serian madah, sebarang aja kuasa ke udah diambi perintah besai patut diberi pulai ngagai Sarawak dikena ngurangka bida dalam mayuh bidang.
Entara nya baka perengkaguna, bidang pelajar lalu Sarawak ku iya patut digaga sebaka enggau indu mengeri besai menua tu.
Menteri Besai sebedau tu udah ngasuh komiti ari perintah besai enggau piak nengeri tu ti betuaika Kepala Menteri berundingka jalai ngurangka bida sekula ba menua pesisir ke udah repuk patut dikemanah.
“Sepital Serian ambika banding entara ke pemadu kiruh di nengeri Sarawak lali kitai minta digaga Klinik Pengerai ke ngembuan abis nadai empat iku lutur kelimpah patut digaga sebuah agi sekula sekondari ditu,” ku tandu iya.
Sama bisi datai ba pengerami nya, Residen Menua Serian Dahim Nadot.