KGS nguluka pengawa bejalai bebala mayuh rambau bejadi Panggau BDCF

0

SIBU: Kelab Gagong Sarawak (KGS) nguluka pengawa bejalai bebala mayuh dikena ngelai bejadi Panggau Pengerami Mantaika Main Asal Dayak Borneo (BDCF) 2016, lemai kilah ensana.

Taja ujan beberis, pengawa tu ti bela disempulang gerempung bukai baka Gerempung Dayak Sarawak (SDNU) Sibu, Serakup Indu Dayak Sarawak (SIDS), Gerempung Dayak Bidayuh (DBNA) Sibu, Gerempung Orang Ulu (OUNA) enggau Gerempung Nembiak Dayak Sarawak (PEBEDAS) mujur diatur.

Bala sida betubuh lebih 200 iku tu ti chukup bengepan lama ngerichah Dataran Bandar Sibu ditu kelimpah mensia mayuh lebih agi bansa bukai tekait ati meda pengawa sida.

Ngalihka malam, sida bela nyempulang temuai ke dipebasa Temenggung Stanley Gramong bejadi Panggau BDCF 2016.

Maya tu KGS bisi mantaika pengelandik ngajat enggau bekuntau.

Mensia mayuh ti bisi datai mega diperindang enggau main asal ‘Nekopa Dado’ ari OUNA Sibu, ‘The Rejang Bo’uh Dayak Bidayuh (DBNA Sibu) kelimpah SIDS Sibu bela mantaika ajat maya nya.

Kelimpah ari nya, maya tu mega, Miss Photogenic bela dibisi diayan.