Dikarang Judan Bungap//
SIBU: Sepuluh iku bujang Dayak deka besemekih ngulih ke gelar Keling Pengerami Mantaika Main Asal Dayak Borneo (BDCF) 2016 ba pekit kepenudi ti deka diatur kena malam tu.
Sida tu iya nya Ricky Steffan, Eugene O’Neil Charles, Frankly Fiq, Herself Aldrien, Liam Arun, Bonnie Blank, Fred Jabu, Slyvester Tugang James, Philip Magang enggau Alexei Amir Adam.
Gelar Keling BDCF 2016 deka mai pulai perais mata duit RM1,500 sereta disempulang trupi enggau hamper.
Penuduk lumur dua mai perais mata duit RM1,200, trupi enggau hamper lalu penuduk lumur tiga mai perais RM1,000, trupi enggau hamper.
Kelimpah ari nya, pemekit ke bulih lumur empat ngagai lumur 10 deka mai perais sagu ati mata duit RM200 enggau hamper.
Bela bisi diatur berebak enggau pekit tu iya nya pekit renggat kepenudi Pekit Kumang BDCF 2016.