Inovasi beguna kena ngemansangka industri dalam menua Malaysia

KUCHING: Perbadanan Produktiviti Malaysia (MPC) sebengkah ejensi perintah ngembuan juluk ngemansang­ka raban mensia sereta mantu industri ngemeranka inovasi ba orang gawa di Malaysia kelebih agi ba Sarawak.

NYINUK NINGA: 250 iku orang ke ngulu ‘Seminar Amalan-amalan Terbaik Inovasi Dalam Perkhidmatan’ ke diatur Perbadanan Produktiviti Malaysia (MPC) kemari.

Tuai Direkta MPC Mohd Razali Hussain madahka, kena ngangkatka Sarawak ulih besemekih sereta ulih maju dalam semua industri di menua tu, MPC ngatur mayuh bengkah program tauka aktiviti.

“MPC sebengkah ejinsi perintah sama besaup nen­tuka agenda menua ulih dipejalaika enggau mujur lalu ngatur mayuh bengkah program, iya nya kus eng­gau latih,serbis penyand­ing penemu, produktiviti, kualiti sereta semikih ke manah dalam sektor swasta enggau sektor perintah.

“MPC ti ngena rambai jaku ‘Tranformasi, Inovasi dan Jalinan Kerjasama’ mega ngatur licha bekaul kreativiti enggau inovasi iya nya Process Innovation, Stategic crative Thinking, Value Innovation enggau Innovation & Creative Circle (ICC),” ku iya.

Razali mansutka penemu nya dalam jaku pengelalu ke dibacha Sapit iya Ahmad Fadzil Mahmud ba ‘Seminar Amalan-amalan Terbaik Ino­vasi Dalam Perkhidmatan’ ke diatur MPC ditu kemari.

Tuju ngatur ‘Seminar Ama­lan-amalan Terbaik Inovasi Dalam Perkhidmatan’ ku Ra­zali, ngambika ulih madahka ngagai semua industri guna inovasi dalam bejalaika pen­gawa nitihka ubah pengawa rama sereta penatai pemisi dunya.

Inovasi iya nya chara baru bejalaika sebengkah pengawa nyengkaum dalam produk, serbis, gerempung enggau institusi patut bisi ubah ti positif ngambika sejarit ngin­sur pemanah serbis.

“Setipak enggau tuju perin­tah ti deka ngemai ubah menua nengah inovasi enggau kreativiti, semua gerempung tauka kompeni ukai semina bepegai ba teknologi tang ngembuan runding inova­tif dalam bejalaika pengawa, sereta bisi daya saing ke tinggi.

“Nengah seminar tu ulih bekunsi peneleba enggau chara kereja inovasi kelimpah ngasak semua gerempung, kompeni, opis sereta industri nyadika kreativiti enggau ino­vasi siti jalai ngemaju enggau ngemansangka pengawa.

Nambahka nya ku iya, ele­men inovasi ke nyadi siti jalai ngangkatka pemanah serbis patut dikembuan semua orang bekereja berengkah ari sida ti megai pengawa tinggi nyen­tukka sida ke megai tanggung pengawa ti mit.

“Semua orang bekereja enda tau enda ulih nerima penemu orang bukai, seruran ngemeran sereta nambahka penemu kena ngaduka ubah baru.

Semina ti dipejadika Sapit Menteri Dagang Entarabansa enggau Industri Datuk Jacob Dungau Sagan digulu 250 iku orang gawa perintah, kom­peni, sereta gerempung.

Nitihka Razali, penyampau orang ke ngulu program ke diatur MPC majak nambah sereta nerima sukung ti chukup manah ari gerempung enggau orang ke bekereja.

“Nengah semua program ke diatur MPC Sarawak penyampau orang ke ngulu pengawa majak nambah, ngambika chunto dalam taun 2009 bisi 3,356 iku enti dibandingka dalam taun 2008 semina 9,919 iku aja.

“Naka bulan Mei 2010 bisi 3,356 iku orang ke ngulu pro­gram diatur MPC Sarawak.

Dalam semina nya dua bengkah keretas kereja dipe­juraika iya nya Why Inno­vation? dipejuraika Ramli Muhammad ari Institut Ke­mahiran Mara (IKM), Beseri Perlis, lalu keretas kereja kedua bertajuk Working On Best Practices For Serv­ices Sector dipejuraika Naib Pengerusi Malaysian Associa­tion of Creativity & Innova­tion (MACRI) Dato Shaik Sulaiman Ismail.