Orang dagang kedai kupi anang nikika rega pemakai, ai irup

0

KUCHING: Orang dagang kedai kupi enda ibuh nikika rega ai taja pan rega gula ditiki 25 sen sekilogram.

DINI ALAI KAMI DEKA SEKULA?: Sebagi ari bala nembiak sereta apai indai ke begempuru bebala mayuh ketegal enda setuju Institut Kemahiran Yayasan Selangor (IKYS) ke ditutup lebuh betemu ba Sabak Bernam, Selangor ditu kemari. Perintah nengeri Selangor nutup IKYS ke bepalan ba Sungai Besar, siti palan sekula ke tebal agi nembiak dia nya sida ke bepenatai pemisi ke seranta ari mayuh bengkah pelilih ba nengeri tu. — Ganbar Bernama

DINI ALAI KAMI DEKA SEKULA?: Sebagi ari bala nembiak sereta apai indai ke begempuru bebala mayuh ketegal enda setuju Institut Kemahiran Yayasan Selangor (IKYS) ke ditutup lebuh betemu ba Sabak Bernam, Selangor ditu kemari. Perintah nengeri Selangor nutup IKYS ke bepalan ba Sungai Besar, siti palan sekula ke tebal agi nembiak dia nya sida ke bepenatai pemisi ke seranta ari mayuh bengkah pelilih ba nengeri tu. — Ganbar Bernama

Sapit Menteri Kereja Raya Datuk Yong Khoon Seng madah rega gula ti ditiki enda besai lalu ukai nyadika penanggul besai ngagai orang dagang kedai kopi.

“Tu endang selalu nyadi laban nya chara meresa rega barang. Perintah tentu udah mansik semua pekara sebedau ngaga pemutus nikika rega.

“Kitai ngarapka orang dagang kedai kupi enda nikika rega ai beduduk ari rega gula ti dikiti 25 sen sekilogram laban maya kitai ngaga ai, kitai ndai nguna gula nya kelalu mayuh,” ku iya udah tembu nyuaka perais tikit benasit ba Teck Kong Trading Co, Pusat Komersial Tabuan Jaya kemari.

Yong ke mega nyadi Kaban Parlimen Stampin madah rega secangkir kupi enggau ai ke bukai mar berapa sen aja ketegal rega gula niki.

“Lebuh kitai enda bekenaka gula mayuh, engka semina sesen, dua tauka tiga sen aja mar, nya alai enda ibuh nikika rega,” ku iya.

Ku iya, penyakal dipelaba ngambi peluang bekaul enggau rega barang ti niki nitihka komoditi.

“Enda ngira pekara manah tauka jai penyakal tetap nyadika isu,” ku iya.

Perintah udah ngurangka sabsidi gula, petrol, diesel enggau Gas Asli Cecairberengkah 17 Julai tu tadi.

Diatu gula dijual ngena rega RM1.90 sekilogram, lalu nitihka ripot enti nyema perintah ngetuka sabsidi orang mayuh deka bebayar RM2.39 sekilogram.