Wednesday, November 29

Polis bisi bukti baru pasal kes nyual anak mit

0

KUALA LUMPUR: Polis Selangor bisi bukti baru lebuh sida bejalaika atur ngemunaska sindiket bejualka anak mit lalu udah tetemuka dua buah klinik swasta ti diadang bisi enggau bejalaika pengawa nya ba ‘Ops kasih’ ba Klang empai lama.Tuai Polis Selangor Datuk Khalid Abu Bakar madahka polis deka ngambi ripot ari lutor sereta staf klinik nya enda lama da agi.

Taja pia, iya enggai bejurai enggau panjai pasal pekara nya laban agi nganti rikot jaku lutor enggau staf ari dua buah klinik nya.

“Kami enda nyadang dua buah klinik tu dipelaba bisi bekaul enggau pengawa dokumentasi nembiak mit ke baru ada,” ku iya ba atur pengawa Hari Mesra Bersama Masyarakat Dengan Polis ba Selangor kemari.

Dalam ‘Ops Kasih’ ti berengkah pun bulan tu kemari, polis Selangor mujur nemu pengawa bejualka anak mit sepengudah nangkap sembilan iku orang ejen sereta empay iku orang pemmeli anak mit ba sitak menua Banting, Klang enggau Kajang.

Dataika diatu polis mujur nyelamatka 10 iku anak mit ti beumur urung dua minggu ngagai sembilan bulan sereta siku nembiak beumur tiga taun, siku indu sereta dua iku anak indu iya udah didawa ba kut ketegal pengawa bejualka tiga iku anak mit baru ada. — Bernama