MELAKA: Gaji orang gawa nyadi jaga deka niki bepun 1 Julai tu taja bisi sekeda kompeni enda ulih mayar gaji ngemayuh nya.Menteri Sumber Mensia Datuk Dr S. Subramaniam madah sebarang penanggul ke nuntung deka diputarka ulih menteri iya enggau Menteri Pengawa Dalam Menua.
“Bepun ari 1 Julai utai tu deka dipejalaika laban iya sudah perandauka lalu semua isu ke bekait enggau utai tu deka diputarka,” ku iya bejaku ngagai pengarang berita sepengudah bejaku ba seminar entarabansa bekait enggau adat asal ditu kemari.
Hari Empat tu tadi, Subramaniam udah ngemansutka berita ke madah 150,000 iku orang jaga deka nerima batang gaji entara RM1,100 ngagai RM1,450 sebulan iya nya niki entara 67 enggau 75 persin bepun 1 Julai tu.
Beduduk ari berita tu, bisi beberapa iti kompeni ngaji orang jaga minta perintah meri siti chuan dikena kompeni jelan pemesai mayar gaji nitihka gaji baru nya.
Ba pengawa seminar entarabansa ke diatur sepengelama lima hari berengkah ari kemari, bisi digulu pengari ari 25 bengkah menua luar.
Sama bisi datai ba seminar tu nya Kepala Menteri Melaka, Datuk Seri Mohd Ali Rustam ke mega chermin Yayasan Belia Dunia (WYF). — Bernama