Thursday, August 22

Indu enggau Nembiak PBB Lambir ngatur Program Gerak Gempur 2010

0

MIRI: Lebih 2,000 iku dipelabaka datai ngulu Pro­gram Gerak Gempur 2010 ke bisi diatur Raban Indu eng­gau Nembiak Parti Pesaka Bumiputera Bersatu (PBB) Lambir ba Bekenu kenaka 3 hari bulan Julai, berengkah ari pukul 8 pagi nyentukka pukul 5 lemai.

KAMI UDAH SEDIA: Zainani (duduk, dua kanan) begulai enggau Indu sereta Nembiak PBB Lambir nunjukka tanda 1Malaysia udah bekau becherminka pengawa ngulu media 1Gerak Gempur, kemari.

KAMI UDAH SEDIA: Zainani (duduk, dua kanan) begulai enggau Indu sereta Nembiak PBB Lambir nunjukka tanda 1Malaysia udah bekau becherminka pengawa ngulu media 1Gerak Gempur, kemari.

Tuai Raban Indu PBB Lambir, Kaunselor Zainani Salleh madahka, program nya diatur kena ngerapitka penyerakup entara rayat eng­gau kaban PBB Lambir.

“Tu siti ari chara PBB Lambir ngerapitka kaul mensia mayuh ba sitak Lam­bir sereta ngeratka kaul ari segi ekonomi dan pengawa rama,” ku iya.

Iya madahka, entara pen­gawa ti deka diatur ny­engkaum pamiran, poco-poco, karaoke, ngerejista pengundi, ngerejista kaban PBB sereta enchabut tiket benasit.

Pamiran nya deka ngaul ra­ban ari Opis Pemansang Indu Sitak Parlimen P218 Sibuti, Opis Pengerai sereta muka peluang pengawa kosong.

Pengerami nya deka dipe­jadika Kaban Kunsil Nengeri (DUN) Jepak, Datuk Talib Zulpilip lalu pengawa nutup nya ila dipejadika DUN Lam­bir, Aidan Wing.

Dipelabaka bisi datai ila nyengkaum Sapit Ketuai Indu PBB Lambir, Mariam Jukim enggau Seketeri Pemuda PBB Lambir, Rudy Kadak.