SIBU: Enam iku nembiak mujur ditangkap ngalih hari kemari udah bekau sida dipelabaka bisi kaul enggau kes belaya tengah malam kemari.
Sida iya tu nyengkaum empat iku lelaki enggau siku nembiak indu ditangkap pulis ba rumah sida ba Lorong Foochow enggau ba Jalai Belian.
Kes nya nyadi bepun siku ari saspek enda mukai-mukai ngelawa tiga iku sekaban sebedau mansutka dua iti lunga.
Meda baka nya kaban saspek tu sama bela nyaup kaban sida lalu berekak.
Bekau penusah nya, tiga iku sekaban nya tadi sama bela bakal ba sebelah tubuh. Meda baka nya, semua bala saspek ngelarika diri ari palan nya.
Orang mayuh ti bisi meda penusah nya lalu beguai talipaun minta bantu polis sebedau sida tiga dianjung berubat ngagai Sepital Sibu.