Bisi 20 raban pemusik dunya datai enggau RWMF ke-13

0

KUCHING: Festival Hutan Hujan Sedunia (RWMF) ke-13 dipenyadika malam hari empat digulu 20 ra­ban pemusik enggau 200 iku pengarang berita ari serata dunya.

MANTAIKA PENGELANDIK: Chan mantaika pengelandik betanda enggau pengari ari Shenbehzadeh Ensemble (Iran) lebuh bejadi sereta pengawa makai malam RWMF ke-13 ditu malam kemari.

MANTAIKA PENGELANDIK: Chan mantaika pengelandik betanda enggau pengari ari Shenbehzadeh Ensemble (Iran) lebuh bejadi sereta pengawa makai malam RWMF ke-13 ditu malam kemari.

Sapit Kepala Menteri ke mega nyadi Menteri Dagang Temuai Datuk Patinggi Tan Sri Dr George chan Hong Nam ngarapka semua raban pemusik entarabansa man­taika pengelandik enggau pemanah musik sida ngagai rayat menua tu.

Ku iya, bala pemusik ke datai ngagai menua tu enda patut irau laban Sarawak likun endur diau.

“Aku nemu mayuh pemusik datai ari menua jauh lalu tusah deka kitu ngambika banding sida Bulgaria, taja pia anang irau laban Sarawak menua ti likun,” ku iya lebuhka bejadi sereta pengawa makai malam RWMF ke-13 ditu malam kemari.

Dr Chan mega ngarapka temuai menua luar patut mer­atika pemanah rampa menua serata nengeri sereta utai idup enggau tumbuh ba kandang endur RWMF diatur ngambi ulih nyadika pengingat maya sida pulai.

Bisi sama ngulu pengerami nya Menteri Muda Opis Menteri Dagang Temuai enggau Pesaka Tuai , Mong Dagang, Menteri Muda Pe­mansang Industri (Pengawa dagang) Larry Sng Wei Shien enggau Chermin Persekutuan Pelancongan Sarawak (STF), Wee Hong Seng.

Nambahka nya, Chermin Gerempung Dagang Temuai Sarawak (STB) Datuk Rashid Khan madahka Sarawak temegah ati laban RWMF sebengkah ari pemerindang ti ulih nyadi tebilang sereta chuan dunya.

RWMF udah ngemai nama Sarawak nyadi palan musik entarabansa alai bala pemusik menua tu enggau menua luar mantaika pengelandik sida, ku iya lebuhka bejaku ditu malam kemari.

Pemusik ke merindang sepe­manjai RWMF diatur berengkah 9 Julai ngagai 11 Julai 2010 iya nya raban Reelroad’b (Rusia), Novalima (Peru) I Beddi(Itali), Braagas (Czech), Bisserov Sis­ters (Bulgaria), De Temps Antan (Kanada) Shenbehzadeh Ensemble (Iran), Kimura-Ono-Duo (Japan),Debu (Indonesia), Galandum Galundaina (Por­tugal).

Monster Ceilidh Band (England), Bakih, Pingasan’k (Sarawak,Malaysia) Yerboli (China), Farafina (Burkino Faso), Minuit Guibolles (Perancis), Layatharanga (India),Musafir Gypsies (Ra­jashtan), Watussi (Columbia/Australia) sereta Leila Negrau (Reunion Island).