Bisi 112 iku nerima pingat ari TYT

0

KUCHING: Bisi 112 iku orang ke nerima Anugerah Kehormat Negeri ari Tuai Pemegai Menua, Tun Datuk Patinggi Abang Muhammad Salahuddin lalu keterubah pengawa nya diatur ba Dewan Suarah Sarikei Hari Tiga apin lama.

Tanda puji enggau pingat nya nyengkaum Pegawai Bintang Kenyalang (PBK), Pingat Perkhidmatan Bakti (PBB), Pingat Ahli Bintang Sarawak (ABS), Pingat Ahli Bintang kenyalang (ABK), Pingat Perkhidmatan Terpuji (PPT) enggau Bentera Bintang Sarawak (BBS).

Lalu Residen Sibu Sim Kok Kee siku ari tujuh ke nerima Pegawai Bintang Kenyalang (PBK).

Sida ke nerima pingat PBK nyengkaum Pengarah Opis Pengintu Pengelantang Nengeri Kendy Edward, Tuai Indu Parti Pesaka Bumiputera Bersatu (PBB) pampang Belawai Dayang Raoyah Abang Adeng, Raban orang dagang ti mega nyadi Chermin Divisyen Repok Parti Rakyat Sarawak (PRS), Pegawai Gerempung Pemansang Ekonomi Sarawak (SEDC) Edwin Abit, raban orang dagang Ling Hung King enggau Pegawai Jil ba Indu Opis Jil Kuching Mohd Zawawi Rahman.

Sembilan iku nerima Pingat Perkhidmatan Bakti (PBB) iya nya Majistret Opis Luya Kuching Amelati Parnell, Opis Ai Sibu Dean Lu @Dewin Asen, Faisaluddin Jenon, Penulung Seketeri Utama Opis Menteri Pemansang Infrastruktur enggau Komunikasi Francis Kuleh Jau, Ketuai Opis Kepala Menteri (Kut Native ) Hii Chang Kee, Sibu Municipal Council; Jamesy Mijek, Opis Parit enggau Tali, Betong; Lau Bik Kuong, Gerempung Palan Sangkai Rajang (RPA) Paul Ngie Hung, Gerempung Pemansang Industri Kayu Rambu Sarawak (STIDC), Kuching Tiong King Wei enggau Opis Kereja Raya (JKR) Sarikei.

39 iku nerima Pingat Ahli Bintang Sarawak iya nya Ahmad Talha @Ahmad Ali Telaha, Pengulu Ambau Anchong, Tuai Rumah Banying Belaja, Pengulu Dandan Sidi, Goh Kien Ming enggau Ting Siew Hock.

Pingat Ahli Bintang kenyalang (ABK) diberi ngagai lapan iku, 11 iku nerima Pingat Perkhidmatan Terpuji (PPT) enggau 38 iku nerima Bentera Bintang Sarawak (BBS).

Bisi sama ngulu pengawa nya Toh Puan Datuk Patinggi Hajah Norkiah, Speaker Kunsil nengeri Dato Sri Mohd Asfia Awang Nassar, Menteri Muda Industri Pemakai Datuk David Teng, Menteri Muda Pengawa Berumah enggau Pemansang Dalam Nengeri Datuk Dr Soon Choon Teck, Tuai Luya Nengeri, Datu Abdul Razak Mohd Tready, Datuk Bandar Dewan Bandaraya Kuching Utara (DBKU) Abang Mohd Atei Abang Medaan, Kaban Parlimen Sarikei Ding Kuong Hiing, Seketeri Politik Kepala Menteri Abu Seman Jahwie, Residen Sarikei Michael Dawi enggau Residen Sri Aman Abang Shamsuddin Abang Seruji.