Thursday, October 21

Eva Dekie menang Pekit Ngajat ba Rh Edward

0

SRI AMAN: Eva anak Dekie, nembiak Sekula  Kebangsaan (SK) Ulu Paku, Sri Aman udah menang bulih champian ba Pekit Ngajat beserimbai enggau pengerami Program 1Malaysia Begualai enggau Ketuai ba Rumah Edward Jantong, Sebujok Ulu Paku, Undop malam ensanus.

AMAT PANDAI DEK NGAJAT : Francis (dua kanan) benung nyuaka perais ngagai eva lalu diperatika Rickson (kanan) sereta raban ke bukai ba pengerami nya.

AMAT PANDAI DEK NGAJAT : Francis (dua kanan) benung nyuaka perais ngagai eva lalu diperatika Rickson (kanan) sereta raban ke bukai ba pengerami nya.

Nembiak nya ti ngembuan kulit kuning buah lensat mujur ngalahka tiga belas iku orang bukai ti bisi enggau ngambi bagi ba pekit nya lalu udah ngemai pulai perais sebuah mangkuk enggau perais ke bukai.

Lumur dua enggau lumur tiga pulai ngagai menyadi Era ak Dorina enggau menyadi Winnie ak Sangin mega nembiak sekula datai ari SK Ulu Paku, Undop ti mega udah ngemai sebuah mangkuk enggau perais ke bukai.

Sebelas iku ke bukai udah ngemai perais sagu hati hamper berisi enggau perengka tulis ianya menyadi Zuzana anak Landsoper,  Mathew Pidan,  Alex anak Landsoper,  Harry anak Randi,  Ivy anak Nawin,  Gloria anak Janting,  Brinhney John,  Rafind anak Betty,  Tracy anak Bandi,  Cosmilla anak Baby enggau Britney Duncan.

Pekit Ngajat ti udah diatur ba rumah panjai nya diatur Jabatan Hal Ehwal Khas (JASA) Sarawak Bahagian Sri Aman lalu udah dipejadika Menteri Muda Pemansang Tanah Sarawak, Datuk Francis Harden Hollis.

Sama bisi enggaum ngulu pengerami nya Pegawai Tadbir Sarawak ari POpis Residen Sri Aman, Rickson Jauk, Pegawai JASA Parlimen Lubok Antu, Georgefry Baja, Penyelia Kanan Parlimen, Opis Pemansang Mensia Mayuh (KEMAS) Bahagian Sri Aman, Susannah Abdul Raup, ketuai opis perintah sereta ketuai raban bansa.