Sunday, September 19

Makai Serumpu Gawai 2010 ba Rumah PITSA, Sibu

0

SIBU: Gerempung Indai Tunggal Sarawak (PITSA) pampang Sibu deka ngatur pengerami Makai Serumpu Gawai 2010 ba Rumah PITSA, Jalai Lemon kena 25 Julai tu.

Seketri PITSA Sibu, Rabecca Saliman madah, pengerami nya deka berengkah ari pukul 9 pagi ngagai 5 lemai sereta disempulang enggau mayuh bengkah main lalu tebuka ngagai raban PITSA.

“Tuju pengerami tu diatur ngambika ulih ngerapitka kaul entara bala raban PITSA ke mayuh datai ari pupu raban bansa ke enda sebaka,” ku iya madah ngagai pemberita, kemari.

Ku Rebecca, pengerami nya ngena rambai jaku ‘Bekaul Sama Diri Idup Sejalai, Mansang Sereta.’

Kelimpah ari nya mega, raban PITSA mega dilalu datai ngagai pengawa meri licha ke diatur ba Dewan Parti Rayat Bersatu Sarawak (SUPP), Jalai Kampung Datu kena 29 Julai tu.

Pengawa licha nya berengkah ari 7.30 lemai ti beri siku ari orang ke meri licha ari Opis Menteri Dagang Dalam Menua, Koperasi  enggau orang Bebelika Barang (KPDNKK) enggau Biro Guaman.

“Kitai ngelaluka penatai semua indai tunggal enggau pengawa nya ila,” pia ku iya lalu madah ambis kurang 100 iku bisi datai maya nya ila.